Велигденска плетенка со тиква и брусница
Состојки
- 20гр свеж квасец
- 1лажиче шеќер
- 1лажиче брашно
- 70мл топло млеко
- 2,3лажици шеќер
- 30гр растопена свинска маст или 40гр растопен путер
- 130гр сварена и многу добро исцедена тиква
- 1/2лажиче цимет
- 1/4лажиче морско оревче
- 1 јајце
- 1 ваниила
- Околу 300гр брашно
- 60гр сува брусница
Подготовка
Уште една вкусна убавина подготвена во мојата кујна. Често во замрзнувач чувам мали опаковки на сварена тиква. По потреба ги вадам, оставам во цедалка да отстојат преку ноќ, да излези цела вода што ја содржи тиквата.
Подготовка:
1. Во вангличка се ставаат квасец, лажиче шеќер, лажиче брашно и млеко. Се промешува и се остава да се активира.
2. Потоа тука се додава цимет, морско оревче, некое зрно сол, ванилата,шеќерот, маста, тиквата. Со вилушка убаво се соединуваат состојките. Јајцето го матиме, кратко со вилушка, јас секогаш оставам малку за премачкување одозгора, и го додаваме во претходните состојки. Сега додаваме брашно и брусница и замесуваме мазно, но по малку и лепливо тесто.
3. На површината го премачкуваме со масло, го покриваме со проѕирна фолија и го оставаме на топло околу 1 час да се дуплира.
4. Потоа нежно го делиме на 3 дела. Формираме траки, кои ги испреплетуваме. Вака подготвената плетенка, ја ставаме во долгнавест калап за леб, кој е обложен со хартија за печење. Оставаме на топло 30 минути. Премачкуваме со јајцето кое го тргнавме на страна. По желба наросуваме кафен шеќер.
5. Печиме околу 40 минути во загреана рерна. Оставаме на решетка потполно да се излади, па сечиме на парчиња и послужуваме.
На здравје