Испечати

Сладолед торта со малини

Сладолед торта со малини

Состојки

  • 1 литар млеко
  • 100 гр шеќер
  • 3 кесички желатин
  • 500 гр шлаг
  • 250 гр мелени бисквити
  • 150 гр малини
  • 3 лажици еурокрем

Подготовка

Во сад на оган ставете го млекото и шеќерот. Посебно во помал сад ставето го желатинот со малку вода и оставете го да набубри. Кога ќе зоврие млекото, тргнете го на страна, додадете го желатинот и убаво измешајте. Оставете го да се излади на собна температура, а потоа ставете го во фрижидер неколку часа да се стегне да стане како павлака.
Од кога ќе се згусне во млекото додадете го шлагот и матете околу 15 минути. Смесата поделете ја на 3 дела. Во еден дел ставете ги мелените бисквити и кремот, во вториот дел ставете ги малините и убаво измешајте, а третиот нека остане бел.
Во силиконски калап ставете го прво белата смеса, одозгора смесата со малини и на крај смесата со бисквити. Ставете ја тортата во фрижидер на неколку часа да се излади, а потоа послужете. На здравје!