Шведски ќофтенца во свиленкаст сос
Состојки
- Месо
- 1/2 кг мелено месо
- 1/4 чаша презла
- 1 јајце
- 1 лажица исечкан магдонос
- 1/2 лажиче морско оревче
- 1/2 главица изрендан кромид
- сув зачин и бибер по вкус
- 1/2 лажиче сув лук во прав
- Сос
- 5 лажици путер
- 2 лажици брашно
- 1/2 л говедска супа
- 1 чаша павлака за готвење
- 1 лажица ворчестер сос
- 1 лажица сенф
- бибер и сув зачин по вкус
Подготовка
Подготовка:
1. Во некој подлабок сад ставете го месото, презлата, магдоносот, изренданиот кромид, зачините и јајцето. Убаво измешајте ја смесата со рака и формирајте мали топчиња.
2. Загрејте во тава малку масло и путер и ставете ги топчињата да се испржат, цело време превртувајте ги за да добијат убава боја од сите страни. Извадете ги настрана од тавата и покријте ги со фолија.
3. Во тавата сега додајте го путерот и брашното и малку пропржете го. Додајте ја говедската супа, ако немате таква можете да растворите 2 говедски коцки во половина литар вода, додајте ја павлаката за готвење, ворчестер сосот, сенфот и зачинете со сув зачин и бибер по вкус. Нека повари некоја минута па додајте ги и ќофтенцата. После минута-две готово е.
4. Може да ги послужите со прилог тестенина, ориз или само со свежа зелена салата, ваш е изборот.