Палачинки со јаболки
Состојки
- 1 јаболка (рендана)
- 1 јајце
- 40г шеќер
- 150г грчки јогурт (или павлака)
- 150г брашно
- пола лажичка пециво
- малку масло за пржење
Подготовка
Подготовка
1. Јајцето изматете го со жица. Додајте ги шеќерот и јогуртот. Измешајте добро, па додајте го и ренданото јаболко. Измешајте со лажица. Додајте ги брашното и пецивото и измешајте до соединување. По желба може да додадете и рендана кора од лимон, цимет, ванила..
2. Тавата за палачинки премачкајте ја со малку масло. Ставете една-две лажици од смесата и пржете приближно по 2 минути од двете страни.
Превкусни се и без никакви додатоци, а моја омилена комбинација за секакви видови на палачинки е свежо овошје и јаворов сируп. На здравје!