Тарали со брашно од наут (посно)
Состојки
- 250гр. брашно од наут
- 50гр. пченично брашно
- 120мл. вода (собна температура)
- 50мл. масло
- 1 лажиче сол
- 2 лажичиња семки од анасон
Подготовка
Убави грицки кои најчесто се прават со пченично брашно и бело вино. Јас го изоставив виното и ги направив со брашно од наут. Вака содржат сосема малку глутен од малата количина пченично брашно што го додадов.
Поготовка:
1. Во сад за месење измешајте ги водата, маслото и солта. Додајте ги двата вида брашно и семките од анасон. Замесете тесто.
2. Oд тестото и формирајте најпрвин стапчиња со дебелина и големина по желба. Потоа виткајќи навнатре соединете ги краевите. Наредете ги во плех со хартија за печење.
3. Печете на 200 степени, 25 минути.