Спанаќ со мелено месо и компир во рерна
Состојки
- 1 праз или 1 кромид
- 300-350 гр мелено месо
- 300 гр спанаќ
- 2 компири
- 1 пиперка
- 1 домат
- 3 чешниња лук
- 150 мл доматно пире или сос
- 3 помачи јајца
- 200 гр кисела павлака
- 150 мл млеко
- сол, бибер, сув зачин. прованса зачини
- 100 гр кашкавал
Подготовка
Подготовка
1. Во тавата во која ќе го спремате јадењето ставете го празот или кромидот исечкан и кратко запржете го заедно со исечканата пиперка. Додадете го меленото месо и пржете додека запржи, односно ја смени бојата, па додадете ги компирите исечени на поситни парчиња.
2. По 10на минути динстање со мешање, додадете го исечкан доматот и лукот. Потоа додадете го исечкан спанаќот и мешајте додека се издинста и испари водата од него. Откако ќе испари водата, додадете го доматниот сос и и зачините и пржете со често мешање додека се згусти и сè се соедини.
3. Сето ова работете го на средна температура на рерната. Внимавајте компирот да биде најмалку полузготвен. Тргнете од рингла и додадете го преливот составен од разматените јајца, кисела павлака и млеко со малку сол.
4. Одозгора изрендајте кашкавал и ставете ја тавата во загреана рена на 200С да се печи 20на минути, односно до цврстина на преливот и негово отемнување.
5. Печената тава, кога малку ќе подизлади изечете ја на посакуваните парчиња и послужете ја со кисела павлака и некоја салата.