Роденденски чискејк
Состојки
- подлога
- 300 гр мелени бисквити
- 180 гр стопен маргарин
- крем
- 300 мл слатка павлака
- 200 гр кисела павлака
- 150 гр крем сирење
- 200 гр шеќер во прав
- 2 ванили
- ганаш
- 200 гр чоколадо
- 200 мл слатка павлака
Подготовка
Подготовка:
1. Бисквитите се мешаат со истопениот маргарин, да се изедначи смесата. Така готова смеса ја редиме на подлога во калап за колачи. Мојот е бр 20. Потоа во фрижидер да се стегне, 1 час.
2. Слатката павлака ја матиме во цврст снег со 50 гр од шеќерот во прав. Потоа ги додаваме сите останати состојки за кремот. Мешаме лесно и полека со лажица.
3. Готовиот крем го нанесуваме врз подлогата и тортата ја враќаме во фрижидер.
4. За ганашот слатката павлака ја загреваме до пред вриење, но не смее да ни зоврие. Внатре го кршиме чоколадото. Мешаме да ни се изедначи смесата, па ја тргаме на страна да се излади околу 1 час, и со самото тоа да згусне.
5. Ганашот го преливаме врз кремот и декорираме по желба. Потоа враќаме во фрижидер барем уште еден час пред послужување. Препорачливо е да остане непресечена преку ноќ.