Сочен чоколаден колач со топинг од вишни
Состојки
- тесто
- 4 јајца
- 2лажици шеќер
- 1 чаша млеко
- 1/2 чаша масло
- 2лажички пециво
- 6лажици какао
- 1 и 1/2 чаша брашно
- Кора од портокал
- 6лажици мелен орев
- Шербет
- 2 чаши вода
- 2 чаши шеќер
- 100гр квалитетно црно чоколадо
- топинг од вишни
- Јатки ореви
Подготовка
Сочен, чоколаден десерт, со нежна нота на вишна вкус. Богат и вкусен. Пробајте го.
Подготовка:
1. Во вангличка се ставаат јајцата и шеќерот. Се мати до згуснување на смесата.
2. Во еден сад се соединуваат сите суви состојки, брашно, пециво, ореви, какао, кора од портокал. Пожелно е претходно да бидат просеани. Во танок млаз се додаваат течните состојки во 2 наврати, заедно со сувите состојки. Смесата со шпатула се изедначува убаво.
3. Се истура во правоаголна тава која е намастена и посипана со брашно. Се израмнува и се печи на 180с околу 30 минути.
4. За тоа време во сад се ставаат шеќерот, водата и чоколадото. Од кога ќе зоврие оставаме да врие 5 минути.
5. Испеченото тесто го оставаме кратко да подизлади. Го сечиме на парчиња. Лажица по лажица го прелеваме со топлиот прелив. Оставаме 2 часа на ладно да се упие шербетот.
6. Сервираме на тањир од чоко коцките, ставаме лажиче топинг од вишни, јатка орев и послужуваме.
На здравје вкусотијава.
Користена е чаша од 250 мл.