Енергетски плочки
Состојки
- 350 гр урми без коска
- 10 суви смокви
- 200 мл врела вода
- 1 лажица мед
- 100 гр бадеми
- 100 гр индиски ореви
- 50 гр ореви
- 5 лажици семки од тиква
- 5 лажици сусам
- 6 лажици овес
- 1 лажиче мелен кардамом
Подготовка
Подготовка:
1. Бадемите, индиските ореви, оревите, тиквените семки и сусамот, потпечете ги на сува тава.
2. Истото направете го и со овесот, потпечете го на сува тава неколку минути постојано мешајќи. Кога ќе се олади сомелете го во брашно.
3. Урмите и смоквите попарете ги со жешка вода. Нека киснат 1-2 часа. Потоа ставете ги во блендер и миксирајте додека се добие каша. Ставете ја во тава на послаб оган и мешајќи цело време сушете ја отприлика петнаесетина до дваесет минути. Смесата кога ќе биде готова ќе почне да шета по тавата.
4. Во смесата со урмите ставете ги јатките, медот, кардамомот и брашното од овес и убаво измешајте, да се спои целата смеса.
5. Во правоаголна тава ставете хартија и распределете ја смесата. Одозгора со лажица убаво израмнете ја. Ставете ја во фрижидер неколку часа.