Прженици со полнење од праз, сирење, јајце
Состојки
- 1 свеж квасец
- 1лажиче шеќер
- 1лажиче брашно
- 200мл топло млеко
- 200мл топла вода
- 1лажица полна мајонез
- 1 јајце
- 1лажиче сол
- 700гр брашно
- фил
- 2 страка праз
- 1 јајце
- 100-150гр сирење
- сол, бибер и масло за пржење на празот
- 1лажица масло за работна маса, за оформување
Подготовка
Рецептов го најдов на интернет. Ме заинтересира мајонезот како состојка во тестото. Воодушевени сме од нивниот вкус. Надвор се крцкави, а внатре меки се како памук. Полнењето таму беше од карамелизиран кромид со мелено месо. Јас ставив фил по наш вкус. Топла препорака да ги подготвите за вашите најмили. Напомена, тестото е прилично меко замесено. Но на малку намастена работна маса многу лесно се формираат.
Подготовка
1. Во топлото млеко ставаме лажиче шеќер, лажиче брашно и квасец. Промешуваме и оставаме да се активира.
2. Во вангличка се ставаат активираниот квасец, сол, мајонез, јајце. Со вилушка убаво се соединуваат сите состојки. Се додава постепено брашно и се замесува средно меко тесто. Се покрива и се остава да се дуплира.
3. Потоа се дели на 16 или 18 топчиња на малку намастена работна маса. Се покриваат со фолија. Се зема првото топче и се расукува во мало правоаголна кориче. Прво со прстите, па потоа со сукало.
Се става полна лажица фил. Краевите се прибираат навнатре, да не истечи филот. Се витка како ролатче. Спојот се притиска со прстите, да не се отворат при пржењето.
4. Се пржат на умерен оган (од 1 до 9, пржев на 6). Ги превртуваме од сите страни да заруменат. Се редат на хартиени салфетки. Се послужуваат топли со чаша јогурт.
На здравје убавинава.
*Забелешка - За филот, на загреано масло го испржив ситно сецканиот праз, зачинив. Од кога се излади додадов дробено бело сирење и јајце.