Брз ручек од една тава
Состојки
- 500 гр мешано мелено месо
- 1 помала главица кромид
- сув зачин, бибер, презла, по вкус
- 1/2 л доматен сос
- 2 лажици сув кромид
- сув лук по желба
- зачини, сув зачин, бибер, оригано, магдонос
Подготовка
Подготовка:
1. Во меленото месо изрендајте една главичка кромид, зачинете со сув зачин, бибер, малку презла ако е поводено месото и убаво измесете го. Формирајте ќофтиња и набрашнете ги од сите страни.
2. Тавата во која ќе го приготвувате јадењето треба да е малку подлабока и широка. Ставете неколку лажици маслиново масло и загрејте го. На, не многу силна температура, испржете ги ќофтињата од двете страни.
3. Кога ќе бидат испржени, околу нив ставете го доматниот сос, додајте го сувиот кромид, лукчето, ориганото, зачинете со бибер и сув зачин и поклопете ја тавата.
4. Нека повари на послаба температура уште 5-6 минути и готово е. Одозгора ставете ситно исечкан свеж магдонос.