Испечати

Намаз од сирење, лути пиперки и цврст јогурт

Намаз од сирење, лути пиперки и цврст јогурт

Состојки

  • 500 гр. сирење
  • 200 гр. цврст јогурт
  • 2 лути пиперки
  • 1/4 од шоља масло

Подготовка

Подготовка
- На лутите пиперки исчистете го семето, исецкајте и ставете во сецкото да се тоа ситно исече. Изронетото сирење додадете го кај пиперките, само кратко промешајто во самото сецко со две-три пулсирања или едноставно извадете ги пиперките во сад во кој ќе спремате овој намаз, изгмечето го убаво и измешајте да се спои со пиперките (да не е сосема мазно - нека остане по малку ситни грутчиња од сирењето), додадете го цврстиот јогурт повторно измешајте. Додавајте постепено од маслото да се убаво спои со целата смеса.
- Ставете во фрижидер да се олади по што и ќе се послужите.
Напомена
Кој не сака баш луто, ставете комбинација на благи и лути пиперки, само со благи односно не лути пиперки никогаш немам правено и не знам да кажам за вкус. Знам дека ако се додаде малку лукче - околу 1-2 чешниња на оваа количина има подруг вкус. Може да залиете и со малку масло во кое ќе ставите буковец. Дава можност овој намаз да го прилагодите според ваш вкус додавајки разни зачинки. Може да се користи и како мезе, кај нас најчесто на лепче намачкано. Наместо цврст јогурт, слободно користете кисело млеко.