Ручек во земјена тава со свинска удина и пилешки стек
Состојки
- 600гр свинска удина
- 400гр свеж пилешки стек
- 300гр маринирани шампињони
- 1 поголема црвена пиперка капија
- 2 црвени домати
- 1 или 2 главици кромид
- Сол, бибер, зачин Масло
Подготовка
Подготовка
1. Во земјената тава го ставаме ситно сецканиот кромид.
Ставаме масло. Го додаваме сецканото пилешко и свинско месо на парченца. Промешуваме и оставаме во рерна на 150,160 степени да си крчка на тивко, отприлика околу 1 час. Повремено промешуваме.
2. Ја вадиме тавата од рерна и кога месото си останало скоро на мрсното, ги додаваме излупените, сецкани домати и сецканата пиперка. Додаваме сол, бибер, зачин. Враќаме во рерна да си крчка на тивко уште еден час. Промешуваме повремено.
3. Кога е испарена течноста додаваме малку црвен пипер и полеваме малку со бело вино или вода. Ги додаваме шампињоните и нека си крчка уште 30 минути. Сепак треба да има малку сос, да не биде суво јадењето.
Сервираме топло.