Испечати

Линцер тарт

Линцер тарт

Состојки

  • Тесто
  • 180г путер (омекнат)
  • 100г шеќер
  • 1 јајце
  • 1 жолчка
  • 1 лажичка ванила
  • 180г брашно
  • 30г мелени лешници
  • 50г бадемово брашно
  • 1 лажичка цимет
  • пола лажичка пециво
  • прстофат сол
  • Фил
  • 400г смрзнати малини
  • 50мл вода
  • 50г шеќер
  • 30г густин

Подготовка

Подготовка

1. Путерот изматете го со шеќерот. Додадете го јајцето и жолчката и изматете. Потоа додадете ги брашното, ванилата, циметот, мелените лешници, бадемовото брашно, пецивото и солта и измешајте добро.

2. Поделете го добиеното тесто на два нееднакви дела - едниот нека биде поголем од другиот. Завиткајте ги во најлонска фолија и ставете ги во фрижидер најмалку 2 часа.

3. Малините одмрзнете ги. Потоа измешајте ги со водата и изблендирајте ги. Одвојте 4-5 лажици од пирето од малини во помал сад, а останатото пире ставете го во тенџере на оган за зоврите. Во садот со пире од малини додајте го густинот и шеќерот и измешајте. Потоа додајте ја смесата кај зовриеното пире од малини. Гответе со постојано мешање неколку минути (додека да згусне смесата). Оставете да се олади.

4. Поголемото тесто извадете го од фрижидер и на убаво набрашнета површина расукајте кора со дебелина од околу 5-6мм. Доколку е премногу меко ставете го 5 минутки во замрзнувач. Распоредете ја кората преку калап за тарт (23цм). Вишокот тесто отстранете го. Потоа распоредете го филот од малини и израмнете.

5. Извадете го помалиот дел од тестото и расукајте кора. Исечете ленти со дебелина по желба и наредете ги врз филот.

6. Печете во загреана рерна на 180 степени, околу 40 минути. Оставете да се олади пред да го сечете.

Тартот е исклучително вкусен. На здравје!