Испечати

Пилешки увијач со печурки и краставици

Пилешки увијач со печурки и краставици

Состојки

  • 600 гр. пилешки гради
  • околу 10 парчиња мариниран во масло сув домат
  • 100 гр. печурки
  • околу 4 броја кисели краставички
  • според потребата тенко сечена месната чадена сланина
  • 20 гр. путер
  • малку масло за подмачкување на фолијата
  • на вкус сол, бибер, магдонос
  • според ваша оцена тенко сечен кашкавал, зденка или пушено сирење

Подготовка

- Печурките тенко исечени на листови ставете на загреан путер да се запржат, но не многу, само да омекнат за да можат лесно да се замотаат.
- Краставичките исечете на тенки ленти
- Пилешките гради (стекот) отворете го, ставете на најлон фолија и покријте го со неа. Со чукче истенчете го. Можете да го оставите вака цел или да го исечете на половина и ќе имате помали увијачи што ценам дека така е подобро. Секое парче посолете и овкусете со бибер.
- На парче од најлон фолија ставете ја пушената сланина редејки го секое парче едно до друго, врз не ставете го парчето од пилешките гради, врз него наредете тенките парчиња кашкавал, врз него печурките, сувиот домат и лентите краставички. Со помош на фолијата замотајте го увијачот.
- Замотајте го увијачот на намрснета алу-фолија, ставете во рерна да се пече.
- Испечен нека олади, служете било за мезе, било како главно јадење со прилог од пире, ориз или лесно запржен зеленчук.
Напомена
Доколку одлучите да правите помали и повеке на број увијачи, не морате да го замотувате во фолија, ставете еден до друг и нека се пече. Сосот кој останува во тавката исто така за прелевање е одличен. Јас правев само два и затоа цели ги ставив поголеми да се и ги мотав во фолијата.