Вишна-ванила кремаст десерт
Состојки
- Основа
- 100-120гр Карамел цимет бисквити
- 50гр растопен путер
- Вишна прелив
- 250 до 300гр замрзнати вишни
- 2,3лажици шеќер
- 60мл вода
- 1лажица густин
- ванила крем
- 280мл млеко
- 2,3лажици шеќер
- 1 пудинг со вкус на слатка павлака ,по желба и 1 ванила
- 30гр путер
- 100мл слатка павлака
- Чоко топчиња, ливчиња нане
Подготовка
Подготовка:
1. Во нутрибулет ги ситниме бисквитите. Му го додаваме растопениот путер. Соединуваме и распоредуваме во 4 чаши. Јас ставив во 3,ама беа полни до врв.
2. Во тенџере се ставаат млеко, шеќерот, пудинг и се соединува убаво. Се вари до згуснување.
Се додава путерот и се промешува. Се лади со мешање.
3. На страна многу малку, лесно, ја матиме слатката павлака и лажица по лажица ја додаваме кај пудингот.
4. Во друго тенџере се ставаат вишни, вода и шеќерот. Се вари на тивок оган 5,7 минути. Јас го поминав со стапчест миксер и процедив низ цедалка, за мазна структура. Тргнав на страна малку за да се излади па го додадов густинот. Промешав и го вратив кај вишните. Варев 2 минути, до згуснување.
5. Сега врз основата ставаме ванила крем, прелив од вишни, па ванила крем Декорирав со чоко топчиња и ливчиња нане. Оставаме во фрижидер да се излади, па послужуваме.