Пченкарна проја (безглутенска)
Состојки
- 4 јајца
- 1 лажичка сол
- 400 мл. јогурт
- 15 лажици масло
- 12 лажици пченкарно (царевно) брашно
- 1 пециво
- 150-200 гр. бело сирење (издробено)
- по потреба сусам
- 1 китка свеж магдонос
Подготовка
Безглутенска проја, предлог за сите кои ја сакаат пројата, а посебно за консументите на безглутенска храна. Едноставна за подготовка, вкусна, па ровка дури и наредниот ден.
Подготовка
1. Рерната ја пуштаме да се загрее на 200 степени целзиусови.
2. Во сад ги кршиме јајцата, ја ставаме солта, матиме со жица, а потоа ги ставаме маслото и јогуртот, мешаме.
3. Со цедалка, директно во садот, го просејуваме пченкарното брашно, заедно со пецивото. Убаво ја мешаме и изедначуваме смесата. Ќе изгледа како да е течна, но така треба да биде.
4. На крај го ставаме сирењето и магдоносот. Изедначуваме и смесата ја истураме во намрсено и со пченкарно брашно, побрашнето тавче бр.26.
5. Одозгора наросуваме со сусам, печеме 30 - 35 минути.
Наместо магдонос понекогаш ставам (го кршам) свеж замрзнат спанаќ.
(535)