Испечати

Екстра чоколадна торта со прелив од вишни

Екстра чоколадна торта со прелив од вишни

Состојки

  • 200гр. темна чоколада со вкус на портокал 70%
  • 200гр. путер
  • 4 јајца
  • 100гр. ситно мелени бадеми
  • 2 лажици силно сварено кафе
  • прстофат химајалска сол
  • 2 лажици какао во прав
  • 2 лажици кафеав шеќер или стевиа во прав
  • За преливот
  • 350гр. смрзнати вишни
  • 25гр. кафеав шеќер или мед
  • 1 лажичка скроб (нишесте, густин)
  • 2 лажици ракија или ликер
  • За декорација
  • 200мл. слатка павлака
  • 3 лажици какао во прав

Подготовка

Тортава ја направив по повод на нашата трета годишнина во брак, сакав нешто екстра чоколадно со минимална количина на шеќер, но сочно и несекојдневно, па така се роди тортава.

- Путерот заедно со чоколадото се топи на пареа. Во сад со миксер се матат 4-те жолчки со кафеавиот шеќер до формирање на светла пена.
- Во друг сад се матат белките со солта до цврст снег. Во садот со изматените жолчки се додава истопеното чоколадо и путер, се се меша па се додаваат мелените бадеми, кафето и какаото во прав. На крај внимателно мешајќи со шпатула се додава цврстиот снег од белки.
- Смесата се истура во тавче број 23 обложено со хартија за печење.
- Се пече 20-25 минути на 180 степени.
- Во касерола се ставаат вишните и кафеавиот шеќер и се готват на умерен оган околу 5 минути, потоа се додава скробот разматен со 2 лажици вода и се готви уште 3 минути, на крај се додава ракијата и се трга од оган. Се лади.
- Слатката павлака се миксира со миксер до цврста конзистенција.
- Оладената торта се посипува со какаото во прав, се сече и сервира со преливот од вишни и лажица изматена слатка павлака.