Домашен мармалад од дуњи
Состојки
- 1 кг зрели дуњи
- 600 гр шеќер
- 2 ванили
- 300 мл вода
- сок од 1 лимон
Подготовка
Еден од најубавите мармалади, слатка или џемови кои може да се пробаат. Според наш домашен рецепт. Верувам дека секоја домаќинка го знае и го прави овој мармалад, но еве и мое претставување на истиот тука помеѓу нас.
Подготовка
1. Дуњите се мијат, се чистат и се рендаат.
2. Шеќерот и водата се ставаат да зовријат и да вријат 8 минути, да се згусне како сируп-шербет, смесата.
3. Се додаваат дуњите, и се варат околу 80 минути, на средна температура, додека да поруменат, да добијат фина, нежно портокалова боја. На крај се додава сокот од лимон и ванилите.
4. Уште еднаш се промешува, да доврие уште 5 минути на исклучена рингла, а потоа мармаладот се собира во теглички.
* Дозата може да се дуплира според потребите. А зимата е многу послатка со овој преубав домашен десерт.
Добар апетит.