Бајадера со тиква
Состојки
- Основа
- 100 гр овесни снегулки
- 50 гр ореви
- 60 гр урми
- 60 гр пире од тиква ( варена или печена )
- 1 лажиче рум арома
- Фил
- 210 гр пире од тиква ( варена или печена )
- 4 лажици путер од кикиритки
- 2 лажици мед
- Чоколаден прелив
- 80 гр темно чоколадо со 80% какао
- 3 лажици кокосово млеко
Подготовка
Дефинитивно еден од моите поомилени рецепти кои сум ги направила. Кремаст и вкусен. Сите кои го пробаа уживаа во вкусот и дадоа пофални зборови.
1. Основа- во блендер ги ставаме овесните снегулки, оревите и урмите. Блендираме. Во смесата ги додаваме пирето од тиква и рум аромата. Блендираме да се соединат состојките. Смесата ја ставаме во калап со димензии 20х20, претходно обложен со хартија за печење. Ја натапкуваме смесата со лажица.
2. Фил- во длабок сад го ставаме пирето од тиква, путерот од кикиритки и медот. Мешаме со жица за матење, да се добие кремаста и хомогена смеса. Филот го ставаме врз основата.
3. Чоколаден прелив- во сад, над пареа, го топиме темното чоколадо. Во него го додаваме кокосовото млеко, промешуваме. Врз филот го ставаме чоколадниот прелив. Додаваме мелени ореви.
Бајадерата ја ставаме во замрзнувач неколку часа да се стегне. Пред послужување ја оставаме 15 минути на собна температура.