Испечати

Десерт во чаша со крем од тиква

Десерт во чаша со крем од тиква

Состојки

  • 16 какао колачиња со лешници
  • Крем
  • 300мл. млеко
  • 3 жолчки
  • 3 лажици шеќер
  • 3 лажици брашно
  • 6 полни лажици пире од тиква
  • 1 ванила
  • 20гр. путер
  • 1 лажица шеќер во прав
  • 1 лажичка цимет

Подготовка

Еве од мене една идеја за десерт во чаша.

Подготовка:

1. Со жица за матење изматете ги жолчките, шеќерот, ванилата, брашното и малку од млекото. Остатокот од млекото загрејте го. Во млаз, со постојано мешање, додајте ја изматената смеса. Мешајте додека кремот се згусти. Оставете да се олади.

2. Путерот изматете го со шеќерот во прав. Додајте го изладениот крем, пирето од тиква и циметот. Изматете со миксер додека убаво се соедини.

3. Во чаши ставете по 4 колачиња искршени со раце. Нанесете од кремот. Одозгора ставете уште по 4 искршени колачиња и пак од кремот. Оставете да отстојат 1 час во фрижидер, па послужете.

*Забелешка - Пирето од тиква го правам такашто тиквата ја сецкам на поголеми коцки и ја готвам на пареа, а потоа ја толчам со толчник, но може и да изблендирате со рачен блендер.