Испечати

Торта есенска магија

Торта есенска магија

Состојки

  • Основа
  • 50 гр ореви
  • 50 гр овесни снегулки
  • 100 гр урми без коска
  • 1 лажица какао
  • 2 лажици путер од кикиритки
  • ½ лажиче цимет
  • Фил
  • 150 гр тиква (исчистена и сварена или печена)
  • 100 гр индиски ореви
  • 250 мл густо кокосово млеко
  • 5 лажици агаве сируп (може и друг засладувач)
  • 1 лажиче цимет

Подготовка

Подготовка:

1. Основа - Урмите ги ставаме во вода да стојат 30 минути, да омекнат. Во блендер ги ставаме оревите и овесните снегулки, блендираме. Ги додаваме исцедените урми, какаото, путерот од кикиритки и циметот. Блендираме да се соединат состојките. Смесата ја ставаме во округол калап за торта, со обрач, кој се вади со дијаметар од 19 цм. Смесата ја натапкуваме со лажица.
2. Фил- индиските ореви ги ставаме во вода да стојат 5-6 часа. Ги цедиме и ги ставаме во блендер, заедно со тиквата и кокосовото млеко, блендираме. Во смесата го додаваме агаве сирупот и циметот. Блендираме, додека да се добие хомогена смеса. Филот го ставаме врз основата. Тортата ја ставаме во фрижидер неколку часа. Декорираме со мелени ореви и стопено чоколадо со 70% какао.