Испечати

Слатки њоки со мак (Чешки специјалитет)

Слатки њоки со мак (Чешки специјалитет)

Состојки

  • 250гр. несолена урда
  • 100-120гр. брашно
  • 1 лажица растопен путер
  • Дополнително
  • 3-4 лажици мелен мак, мед, шеќер во прав, растопен путер

Подготовка

Многу интересни вкусови споени на едно место, беше мојот прв впечаток кога за прв пат пробав вакво нешто. Но бидејќи сум огромен љубител на мак брзо почнав да си го правам дома. Има две верзии за тестото со компири или урда, мене ми се полесни за јадење кога се направени со урда, но може слободно да се направат и како класичните њоки со компири.

- Во сад се замесува нелепливо тесто од урдата, растопениот путер и брашното.
- Тестото се дели на 4 топчиња, а секое од нив се разлекува со рацете во вид на јаже. Со помош на нож се сечат парчиња со должина од 5-6цм.
- Ставаме на оган вода со сол да зоврие, се додаваат њоките и се варат околу 2мин додека не испливаат на површина. Сварените њоки се ставаат на цедалка да се исцедат.
- Се сервираат на чинија, се преливаат со растопениот путер, мелениот мак и се наросуваат со шеќер во прав или мед (јас користев мед).