Крем чорба од печурки
Состојки
- 1паковка 38 гр сос за печурки
- 400 гр свинска кртина
- 450мл вода
- 1главица кромид
- 1гранче магдонос
- 315 гр мешавина од маринирани печурки
- 1лажица мешан сув зачин
Подготовка
Денешниот вкусен ручек, кремаста чорбичка. Да ја видиме подготовката.
1. Запржете го ситно сецканото кромитче. Месото исечете го на коцки и ставете го да се запржи заедно со кромитчето. Откако ќе се запржи ставете ги печурките. Јас користев маринирана мешавина на печурки. Морам да кажам дека сме љубители на печурки. Ги промешав и оставив да покрчкаат кратко. Зачинив.
2. Мешавината за сос од печурки ја промешав со водата, па добро ја разматив и ја додадов на месото и печурките. Промешав и оставив на тивко да крчка. Пред крајот, додадов свеж ситно сецкан магдонос.
На здравје со оваа превкусна кремаста чорба од месо и печурки.
Топло ја препорачувам.