Похован Кромид
Состојки
- 2 големи главици (400гр) Кромид
- 1 Јајце
- 100 мл Млеко (ладно)
- 80 гр Брашно
- 20 гр пченкарно брашно
- 1 м.л. Масло
- 1 м.л. рамно Пециво
- малку Сол
- Плус масло за пржење
Подготовка
Подготовка
1. Во длабок сад ги ставаме сите состојки (освен кромидот), мешаме со рачна маталка, додека да се хомогенизира смесата, која е погуста од таа за палачинки. Садот го оставаме во фрижидер, за тоа време го спремаме кромидот.
2. Кромидот го лупиме и сечеме на парчиња со дебелина од најмногу 1 цм. Парчињата ги разделуваме на прстени. Добиените прстени ги ставаме во длабок сад со ладна вода и неколку коцки мраз. Ги оставаме така да одстојат 10-на минути. Потоа ги цедиме од водата и ги бришеме со кујнски бришачи да бидат суви.
3. Парчињата кромид ги брцкаме во смесата и ги пржиме во загреано масло на средна температура. Ги вадиме врз хартиена салфета, за да се упие вишокот мрснотија. Послужуваме топло како прилог кон ручекот или како мезе.
На здравје!