Манџа со кељ и ребра од дива свиња
Состојки
- 1,5кг. ребра од дива свиња
- 1 голема главица кељ
- 5 големи главици кромид
- 2 големи чешниња лук
- 3 моркови
- 3 суви пиперки
- 1 чаша(од 200мл) црвено вино
- 4 свежи листови ловор
- 4 каранфилчиња
- 5 бобинки од смрека
- 5 ливчиња свежа жалфија
- 1 големо гранче рузмарин
- по потреба сол, црн бибер, мешан сув зачин, масло, маслиново масло
- 1.6литри топла вода
Подготовка
Манџава беше вистинска гозба. Бидејќи е со месо од дива свиња, треба малку повеќе време, ама на крај се исплати чекањето.
Подготовка:
1. Најпрвин направете мешавина од сецканата жалфија, сецкани рузмарин, каранфилчињa, бобинки од смрека, благо притиснати сo нож, сол, бибер и мешан сув зачин.
2. Ребрата убаво премачкајте ги со масло, а потоа со мешавината од зачини. Оставете вака да отстојат во фрижидер 18 часа.
3. Во тенџере на оган ставете маслиново масло. Наредете ги ребрата и пропржете. Додајте го сецканиот кромид и лук и пржете заедно додека кромидот малку омекне. Додајте го виното, покријте со капак и оставете на среден оган додека виното испари. Налејте ја топлата вода и додајте ги ливчињата ловор.
Покријте и оставете на среден оган да се готви 2 часа.
4. 20 минути пред крај, додајте ги крупно сецканите суви пиперки, морковите исечени на кругови и кељот исечен на покрупни тенки парчиња. Доколку има потреба додајте сол.