Гратинирани, печени пиперки со моцарела
Состојки
- 6 печени капија пиперки
- 300гр младо сирење
- 1 поголемо јајце
- Сол и бибер по желба
- 125гр моцарела
- Сусам
- Доматен сос, околу 100 мл
- Каламата маслинки
Подготовка
Подготовка
Многу вкусно топло предјадење
Пробајте го
1. Прво пиперките ги печиме и ги оставаме во кеса да се изладат. Ги лупиме и им го отстрануваме семето.
2. Во сад ги соединуваме младото сирење и јајцето. Зачинуваме. Сега внимателно ги полниме пиперките со подготвената смеса.
3. Во ватростален сад, дното го покриваме со доматен сос. Врз него ги редиме полнетите пиперки.
Попрскуваме сусам, редиме парчиња моцарела и маслинки. Гратинираме во загреана рерна околу 30 минути. По желба наросуваме сецкан магдонос. Сервираме топло.
Може да биде лесен ручек или вечера.
На здравје