Солен тарт
Состојки
- основа
- 200 гр овесни снегулки
- ½ мала главица кромид
- 100 мл вода
- 3 лажици мелено ленено семе
- 1 лажица мелен сончоглед
- 1 лажица мелен сусам
- 3 лажици маслиново масло
- 1 лажиче сол
- Фил
- 1 мала главица кромид
- ½ голема тиквица
- 300 гр шампињони
- 2 лажици маслиново масло
- 6 лажици грчки јогурт
- 50 мл вода
- ½ лажиче сол
- ½ лажиче мешан сув зачин
- ¼ лажиче црн бибер
- 100 гр рендан кашкавал
- 6 лажици пармезан
Подготовка
Подготовка:
1. Фил- кромидот ситно го сецкаме. Половина тиквица ја лупиме и сечкаме на коцки. Шампињоните ги сечкаме тенко. Во загреана вок тава го ставаме маслиновото масло. Го доадавме кромидот, кратко пржиме и ги додаваме шампињоните. Пржиме на средна температура со повремено мешање. Ги додаваме коцките тиквица и оставаме да се пржат, повремено мешајќи. Ги додаваме солта, мешаниот сув зачин и црниот бибер. Откако тиквицата ќе омекни, го додаваме грчкиот јогурт, Промешуваме. Доколку тиквицата испуштила многу вода, која не е испарена, не додавајте вода, но доколку нема течност додадете 50 мл вода. Промешуваме.
2. Основа- Во блендер го ставаме кромидот, го блендираме. Ги додаваме овесните снегулки, меленото ленено семе, мелениот сусам и мелениот сончоглед. Блендираме. Ги додаваме солта, маслиновото масло и водата. Блендираме.
3. Во силиконски калап за тарт, со дијаметар 21 см, го ставаме тестото, со дланка го распределуваме на дното и по краевите. Печиме во загреана рерна на 180 степени, 5 минути. Го вадиме од рерна и го додаваме подготвениот фил. Печиме на 180 степени, 25-30 минути. Врз тартот ставаме 3 лажици пармезан и рендан кашкавал. Печиме уште 5 минути, да се стопи кашкавалот. Тартот го вадиме од рерна, врз кашкавалот ставаме уште 3 лажици пармезан, оставаме малку да се излади и послужуваме.