Ролат со мелено месо и готови кори
Состојки
- 1 пакување готови кори
- 500 гр мелено месо
- 1 лажичка мешан зачин Густо
- 1 кесичка Ома прашак за пециво
- 100мл масло за готвење Ле Бон
- 3-4 лажици Фих за шпагети болоњезе
- 100 мл кисела вода
- сусам
- куркума
- 4-5 лажици кечап
- 1 главица кромид
- 2 јајца
Подготовка
Превкусна пита, или ролат со готови кори и мелено месо, која се прави многу брзо, а уште побрзо се јадe.
Подготовка:
1. Најпрво го пржиме кромидот, го додаваме меленото месо, мешаниот зачин. Исто така јас секогаш додавам и од Фиксот за болоњезе шпагети, оти му дава на месото многу поубав и поизразит вкус. Откако е готово, ја додавам куркумата и кечапот и се промешувам, додека не се изедначи смесата.
2. Во меѓувреме правиме смеса од киселата вода, плус маслото и го додаваме и прашакот за пециво.
Започнуваме со правење на ролатот. Една кора ставаме, ја попрскуваме со течноста, ставаме втора кора и неа ја попрскуваме, и на секоја трета јас ставам од месото. Потоа од горе ја повторуваме постапката, односно во еден ролат користам јас по 6 кори. Ја повторуваме оваа постапка, додека не ги искористиме корите и месото.
3. Штом ролатите се готови, од горе ги премачкуваме со изматено јајце, и наросуваме со сусам. Печеме во загреана рерна околу 25-30 минути, додека не поруменат убаво. Јас секогаш, штом се готови, од горе ги премачкувам со маргарин, некако ми добиваат поубав вкус.