Турско ќофте
Состојки
- 2 компири
- 2 моркови
- 1 лажиче путер + малку масло
- 1 ловоров лист
- 1,5-2 литри вода
- За ќофтињата
- 250-300 гр мелено месо
- 1 мала главица кромид
- 1 чешне лук
- 1 јајце
- 1 лажиче сол
- 1 лажиче кумин
- малку црн бибер
- 1 мало филџанче булгур
- Заливка
- 1 чаша цврст јогурт
- 1 јајце
- 1,5 лажица брашно
- сок од половина лимон
- Запршка
- 1 мала коцка путер
- 1 лажица суво нане
Подготовка
Подготовка:
1. Изреднајте го кромидот, а лукот испресувајте го и додадете ги состојките за ќофте, па се заедно измесете убаво. Ставете ја смесата во фрижидер, околу половина час. Потоа обликувајте мини топчиња (ќофтенца) и извалкајте ги во отприлика 1 лажица брашно, кое сте го ставиле во некој згоден сад.
2. Компирите и морковите исечкајте ги на коцки и запржете ги на путерот со маслото во тенџере во кое ќе го спремате ќофтето. Откако ќе омекнат, додадете ја водата и откако ќе зоврие варете ги до степен „ал денте“ па потоа додадете ги и ќофтенцата.
3. Откако ќе се свари се, во еден длабок сад компактно измешајте ги состојките за заливката, па со мешање во нив додадете 2 кутлачи од варивото и на крај истурете во тенџерето. Варете на тивко неколку минути откако ќе зоврие, па додадете го ловорот, посолете и на крај додадете го нането запржено претходно на путерот.
*Би требало да излезе малку поводеста отколку на сликата. Јас ја оставив густа бидејќи ни беше најавата за сркање без леб. Значи, густината регулирајте ја со водата или евентуално сведете го брашното на 1 лажица.