Солен тарт со шери домати
Состојки
- Тесто
- 200гр брашно
- 1 мало јајце
- 2,3лажици јогурт
- 1лажиче сол
- 1/4лажиче мелен бибер
- 1/4лажиче мелено морско оревче
- 100гр ладен путер
- на врв на нож пециво
- Фил
- 1 големо јајце
- 1/2лажиче сол
- 120мл јогурт
- 100гр дробено бело сирење
- Допонително
- Половинки шери домати
- Ливчиња свеж босилек
- 1 чили пиперче
Подготовка
Подготовка:
1. Во вангличка ги ставаме сите состојки за тестото, набрзина го замесуваме, го завиткуваме во прозирна фолија и го оставаме во фрижидер да одстои 30 минути.
2. Во сад ги соединуваме сите состојки за преливот. Сега тестото го расукуваме врз лист хартија за печење, со големина кај мене на тава број 26. На неколку места го боцкаме тестото со вилушка и го ставаме во загреана рерна, да се запече. Околу 15 минути.
3. За тоа време си ги подготвуваме останатите состојки. Набрзина го вадиме тестото од рерната, го нанесуваме преливот, редиме половинки шери домати, листови босилек и чили пиперче.
4. Ја ставаме тавата во рерната и допекуваме уште 20,30 минути, на 180 степени.
Испечениот тарт го оставаме на решетка да се излади, потоа сечеме на парчиња и сервираме.