Солени вафли со тиквички и чедар
Состојки
- 3 помали тиквички
- 2 јајца
- 120г чедар
- 50г рендан пармезан
- бибер
- 1/4 лажичка пециво
- 120г брашно
- сецкан магдонос
- сол по вкус
- зејтин за премачкување
Подготовка
Подготовка:
1. Тиквичките ги лупиме и рендаме, ги посолуваме и ги оставаме да пуштат вода.
2. Ги цедиме ренданите тиквички со раце и ги додаваме во подлабок сад. Додаваме јајца, бибер, чедар (рендан или сецкан), пармезан, магдонос, сол и мешаме убаво. На крај ги додаваме брашното и пецивото и мешаме.
3. Формираме вафли со големина по желба и печеме на загреан апарат за вафли околу 3 минути.
Одлични се послужени со павлака или со крем сирење.
Може да се направи и полнета варијанта. Ставаме две готови вафли со две парчиња чедар измеѓу на загреан апарат за вафли, го затвораме капакот и печеме околу 2 минути (додека да се стопи чедарот).
На здравје!