Тирамису чизкејк
Состојки
- 250мл жешка вода
- 2 лажици инстант кафе
- 150г мелена плазма
- 70г стопен путер
- 300г крем сирење (собна температура)
- 300г маскарпоне (собна температура)
- 180г шеќер во прав
- 200 мл слатка павлака
- 1 пакување желатин
- пишкоти по потреба
- малку какао за декорација
Подготовка
Подготовка
1. Кафето го потопуваме во жешката вода, мешаме убаво и го тргаме на страна да се олади.
Мелената плазма ја мешаме со стопениот путер и добиената смеса ја натапкуваме во калап за чизкејк (18цм). Го ставаме калапот во фрижидер.
2. Ги мешаме убаво крем сирењето и маскарпонето. Го додаваме шеќерот во прав.
3. Во посебен сад ја матиме слатката павлака. Ја додаваме изматената слатка павлака во филот со крем сирење и маскарпоне. Мешаме да се соедини смесата. Желатинот го растопуваме и додаваме во него 2 лажици од смесата со крем сирење. Мешаме убаво, па го додаваме вака припремениот желатин во филот.
4. Еден дел од добиениот фил додаваме во калапот врз спремната основа. Израмнуваме убаво. Пишкотите ги потопуваме кратко во кафе и ги редиме врз филот. Врз пишкотите ставаме уште еден дел од филот и израмнуваме. Остатокот од филот го ставаме во шприц или кеса за декорирање. Го декорираме чизкејкот со остатокот од филот по желба и го оставаме во фрижидер преку ноќ.
Откако ќе отстои во фрижидер, го наросуваме со какао и го вадиме од калапот.
На здравје!