Мача чизкејк тарт
Состојки
- 300г мелени орео колачиња
- 120г стопен путер
- 400г крем сирење
- 240г кисела павалака
- 1 кесичка желатин
- 100г шеќер
- ванила арома
- 3-4 лажички мача во прав
Подготовка
Подготовка
1. Мелените орео колачиња се мешаат со путерот и се натапкуваат во калап за тарт (20цм). Се остава во фрижидер да се стегне.
2. Во подлабок сад се мати крем сирењето, се додаваат киселата павалака, ванилата, шеќерот и мачата. Се мати додека се убаво се спои и не стане кремасто.
3. Потоа се додава подготвениот желатин (прво набабрува со 4 лажици ладна вода, па потоа се загрева во микро во интервали од по 20 секунди додека не се растопи целосно). Се меша убаво додека желатинот целосно се спои со филот.
4. Подготвениот фил се истура во калапот за тарт врз основата и се враќа во фрижидер да отстои минимум 3 часа.
Се декорира по желба, јас декорирав со зрнца од калинка.
На здравје!