Галета со јаболки и крем од бадеми
Состојки
- 220г брашно
- 115г путер (ладен, исечен на коцки)
- 100г шеќер
- 1 жолчка
- 60мл ладна вода
- малку ванила арома
- прстофат сол
- 40г путер
- 50г бадеми
- 1 јајце
- 2 лажици брашно
- 50г шеќер
- неколку јаболки
- јајце за премачкување
- шеќер во прав
Подготовка
Подготовка:
1. Брашното, шеќерот и ладниот путер исечен на коцки ги мешаме со прсти (ги втриваме). Потоа ја додавам жолчката, ванилата и постепено водата додека не добиеме тесто од кое можеме да формираме плочка. Го замотуваме тестото во најлонска фолија и го оставаме во фрижидер најмалку 2 часа.
2. Кремот од бадеми го подготвуваме на тој начин што ги мешаме сите состојки во блендер (путер, бадеми, јајце, брашно и шеќер).
3. Тестото го расукуваме во округла кора врз парче хартија за печење. Кората ја премачкуваме со кремот од бадеми на тој начин што оставаме 3 сантиметри до работ празни.
4. Јаболките ги сецкаме на тенки резниња и ги редиме по желба врз кремот. Ги завиткуваме навнатре рабовите на кората и со помош на хартијата ја префрламе галетата во фрижидер додека да се загрее рерната.
5. Пред печење го премачкуваме тестото со јајце. Печеме на 180 степени додека галетата да порумени (30-40 минути). Откако ќе се олади целосно, се поросува со шеќер во прав.
На здравје!