Шварцвалд Чизкејк
Состојки
- Основа 300г мелена плазма (или бисквити)
- 150г стопен путер
- Фил од вишни 400г смрзнати вишни
- 4-5лажици шеќер
- сок од пола лимон
- 1 ванилин шеќер
- 2 лажици густин
- 3 лажици вода (за густинот)
- За бел фил 500г маскарпоне (или крем сирење)
- 120г шеѓер во прав
- 1 ванилин шеќер
- 250мл слатка павлака
- 1 кесичка желатин
- 4 лажици ладна вода (за желатинот)
- За прелив 100г чоколадо (темно или млечно, по желба)
- 100мл слатка павлака
Подготовка
Подготовка
1. Мелената плазма се меша со стопениот путер и се распоредува на дното од калап за чизкејк (24цм).
2. Вишните заедно со сокот од лимон, шеќерот и ванилата се стваат на рингла. Густинот откако ќе се растопи во водата се додава во вишните. Смесата од вишни се вари додека да почне да згуснува. Се трга од оган и се остава да се олади, па се премачкува врз подготвената основа од бисквити.
3. Маскарпонето (на собна температура) се мати со шеќерот и ванилата. Се додава претходно изматената слатка павлака, па потоа се додава и желатинот (подготвен според упатството на пакувањето). Откако се убаво ќе се измеша, филот се истура во калапот врз филот од вишни и убаво се израмнува. Чоколадото го растопуваме со слатката павлака и го истураме врз филот од маскарпоне.
Треба да отстои во фрижидер најмалку 6 часа пред послужување. На здравје!