Зелена супа во Мултифреш
Состојки
- 160 гр карфиол
- 80 гр брокула
- 1/2 авокадо
- 3 чешниња лук
- 400 мл вода
- 1,5 лажиче мешан сув зачин
- малку оригано и пимент
Подготовка
Подготовка:
1. Измијте ги карфиолот и брокулата и искинете ги на помали цветови.
2. Ставете ги во садот на Мултифреш. Додадете го и авокадото на парчиња, чешнињата лук, зачините и на крај налејте ја водата. Јас имав и аспарагус и ставив едно стапче и од него.
3. Пуштете на програмата за варење и за кратко време ќе имате готова супа за сркање.