Топено сирење со печени пиперки
Состојки
- Состојки
- 3 печени пиперки
- 400 гр овчо сирење
- 150 гр фета сирење
- 250 гр кашкавал
- 1 домат
- 1 лажичка буковец
- 1/2 лажичка оригано
- Потребно е уште маслинов зејтин и свеж магдонос
Подготовка
Еве еден рецепт за преубаво топено сирење со печени пиперки.
Подготовка:
1. Прво ги печеме пиперките, ги лупиме, ги сечеме во подмачкан со зејтин, земјен сад (30 на 20 сантиметри е големината на садот).
2. Потоа овчото сирење исечено на парчиња го редима врз пиперките. Поросуваме со буковец. Редиме половина од кашкавалот рендан.
3 .Фета сирењето исечено на коцки го ставаме врз кашкавалот. Врз него остатокот од кашкавал. Поросуваме со буковец и оригано.
4. Го сечеме на ситни коцки доматот и го ставаме најгоре. Врз него додаваме малку свеж магдонос. Ставаме малку маслинов зејтин врз доматите, ама сосема малку.
5. Се пече во загреана рерна на 200 степени, околу 15 минути, за да се стопи сирењето и да порумени.
Се служи топло и го снемува за час.