Тортиљи
Состојки
- 2 ториљи
- 2 листа марула
- 2 парчиња пилешки стек
- 4 парчиња кашкавал
- 4 лажици пченка
- Сос
- 4-5 кисели краставички
- 2 лажици кисела павлака
- 1/2 лажиче лук во прав
- 1/2 лажиче оригано
- 1/2 лажица сенф
- 1 лажица од течноста од киселите краставички
Подготовка
Количините се отприлика, во зависност од тоа колку тортиљи ќе подготвувате.
Подготовка:
1. Пилешкиот стек го печам во Air Fryer по овој рецепт.
2. Сос- киселите краставички ги сецкаме на ситни коцки или може да се изрендаат. Ги ставаме во длабок сад со сите останати состојки и промешуваме. Марулата, кашкавалот и пилешкиот стек ги сецкаме на помали парченца.
3. Тортиљата ја затоплуваме во микробранова или во загреано суво тавче. Ја премачкуваме со сосот. Во средината ставаме марула, кашкавал, стек и пченка. Долниот и горниот дел по малку го превиткуваме врз филот и потоа ја роламе.