Бегова чорба
Состојки
- Состојки
- 1 помало пиле (околу 1 килограм )
- 2 моркови
- 1 пашканат
- 1 компир
- 1 главица кромид
- 2 чешниња лук
- 1 лажица кисела павлака
- 1 јајце
- 1 лажичка брашно
- 1 лажичка сол
- 1 лажичка зачин од сушен зеленчук
- 1 лажичка црн пипер
- 1/2 китка магдонос
Подготовка
Подготовка:
1. Пилето измиено и исчистено го ставаме да се вари. Кога ќе зоврие посолуваме.
2. Морковите, кромидот, пашканатот, компирот, измиени, исчистени и излупени цели се ставаат кај пилето. Се додава и лукот.
3 .Откако е варено пилето, се вади од течноста. Течноста се процедува и од неа се остава малку на страна (околу 300 мл). Едниот морков се сече на мали парчиња и се става во процедената течност. Останатиот зеленчук со половина од оставената течност се блендира со рачен блендер и се додава кон течноста.
4. Пилето се чисти од коските и кожата и се сече месото на ситно. Се додава кон течноста.
5. Чорбата треба да зоврие и се додава зачин од сушен зеленчук и црн пипер.
6. Во преостанатата оставена течност се додава 1 лажица кисела павлака, 1 јајце и 1 лажичка брашно. Убаво се меша (може и во блендер) и се додава постепено кон зовриената чорба, постојано мешајќи. Треба да врие уште 10 минути, со постојано мешање. На крај се додава исечен магдонос.
Чорбата може да се служи како предјадење, но и како самостоен оброк.