Плескавици во сос од печурки и кашкавал
Состојки
- Смеса за плескавици
- 800 гр мелено месо
- 1 главица кромид
- 1 јајце
- 1 лажичка сол
- 1 лажичка оригано
- 2 парчиња двопек
- 50 мл млеко
- 1/2 лажичка црвен пипер
- 3 лажици маслинов зејтин
- Сос од печурки
- 300 гр свежи печурки шампињони
- 1 млад кромид
- 1 домат
- 100 мл бело вино
- 150 гр кашкавал гауда
Подготовка
Еве ви предлог како да ги приготвите плескавиците, ама на малку поинаков начин.
Подготовка:
1.Во меленото месо додаваме ситно исечена главица кромид, 1 јајце, сол, црвен пипер, оригано и маслинов зејтин. Врз двопекот полеваме 50 милилитри млеко и чекаме да омекне. Го додаваме и него кон месото. Смесата ја мешаме и од неа правиме 8 плескавици.
2. Плескавиците се пржат од двете страни.
3. Го запржуваме ситно исечениот млад кромид. Сечените шампињони ги додаваме кон кромидот. Доматот го блендираме со виното и го додаваме кон шампињоните. Малку посолуваме.
4.Плескавиците ги редиме во плех , ги полеваме со сосот од шампињони, одозгора додаваме рендана гауда и ставаме во рерна на 180 степени околу 15 минути.
На здравје.