Лисната пита со спанаќ и бешамел
Состојки
- 230гр. округло лиснато тесто
- 250гр. спанаќ
- 4 лажици грана сирење
- Бешамел
- 300мл. млеко
- 30гр. путер
- 30гр. брашно
- по потреба сол и црн бибер
- малку ленено семе
Подготовка
Подготовка:
1. Спанаќот измијте го и искинете го на парчиња. Ставете го во тава на оган и штом испари водата што ќе ја пушти тргнете од оган и оставете да се олади.
2. Бешамел - Во касерола ставете го путерот да се растопи. Додајте го брашното и пропржете. Додајте го млекото и мешајте додека се згусти. Посолете и наросете бибер. Откако бешамелот ќе подолади, додајте го спанаќот и грана сирењето. Измешајте.
3. Во округол калап обложен со хартија за печење ставете го лиснатото тесто. Избоцкајте го со вилушка. Нанесете го полнењето од бешамел и спанаќ. Краевите од тестото подвиткајте ги и посипете со малку ленено семе. Печете на 200 степени, 30-35 минути.
Забелешка: Пред да ја сервирате оставете малку да подолади. Кај мене се гледа дека не беше убаво оладена. За поубав пресек осавете да подолади.