Млечен десерт со гриз, ореви и кокос
Состојки
- 100 гр Путер
- 100 гр Гриз
- 1 л Млеко
- 1 Ванила
- 150 гр Шеќер
- 30 гр Кокос
- 50 гр Ореви (сецкани)
- плус за декорација - сецкани ореви
Подготовка
Вкусен млечен десерт, готов за брзо време.
Подготовка:
1. На умерена температура го топиме путерот, па го додаваме гризот, цело време мешајки, пржиме 2-3 минутки. Сега го додаваме млекото, ванилата и шеќерот. Мешаме цело време додека да се згусне, односно додека да се свари гризот. На крај ги додаваме кокосот и сецканите ореви, мешаме уште 3-4 минути.
2. Готовиот десерт го служиме во стаклени чаши или чиничиња. Мене од оваа доза ми испаднаа 6 чаши како на сликата.
3. Нека олади, па декорираме по желба. Јас во случајов со сецкани ореви, по вкус можете да декорирате и со кокос или цимет, па послужуваме.
На здравје!