Посни велигденски грицки
Состојки
- 75гр мешавина од семки ( семки од бор,семки од тиква,сончогледови семки,ленено семе и останати ситни семки )
- 75гр сусам
- 100 мл зејтин
- 100 мл пиво
- 220 гр брашно
- 1/2 лажиче сол
- 1/2 пециво
- 1 калапче во вид на зајче
Подготовка
1. Во еден сад промешајте ги сувите состојки, а во друг сад течните состојки. Постепено додавајте ги сувите состојки во садот кај пивото, па мешајте со лажица. Во зависност од брашното, дали е меко или не, додајте брашно. Мислам дека не би требало, но ако ви лепи додајте уште прстофат.
2. Набрашнете ја површината, па со сукалка развлечете кора. Вадете фигури со калапчето, па редете ги директно на Делимано тавата или на хартија за печење во друга тава.
3. Печете ги во загреана рерна додека да заруменат. Вкусни, здрави и најубави грицки. Уште еден убав предлог за Велигденската трпеза.
За многу години денот.