Солени триаголничиња
Состојки
- 500 гр. готови кори за пита
- 1 чаша млеко
- 1 чаша јогурт
- 1 чаша зејтин
- 1 коцка свеж квасец
- 1 пециво
- 15 лажици брашно
- 150 грама кашкавал
- 200 грама чајна кобасица
- 5 парчиња зденка
- 200 грама крем сирење
- 1 јајце, сусам
Подготовка
Најпрво да ви се заблагодарам за приемот. Се надевам дека ќе се дружиме и ќе дегустираме безброј нови рецепти. Во прилог е мојот прв рецепт.
1. Се соединуваат сите состојки и се формира смеса. Смесата се остава да стаса 20минути.
2. За филот, чајната се сецка на ситни парчиња, кашкавалот се ренда, се додаваат сите состојки и се меша.
3. Се редат 2 кори. Секоја кора се премачкува од смесата и се сечат на 4 делови. На долниот дел од кората се става од филот и се витка во вид на триаголник (од 2 кори изглегуваат 4 триаголничиња). Постапката се повторува се додека имаме кори.
4. Откако ќе ги наредите во плех, се премачкуваат со смесата и се оставаат да киснат 20минути. Пред печење се премачкуваат со јајце и се наросува сусам.
5. Се печат на температура од 180 степени, околу 20- 25 мин, во зависност од рерната. Чашата е од 250мл.