Испечати

Потпечен карфиол со кисела павлака и сланина(хроно)

Потпечен карфиол со кисела павлака и сланина(хроно)

Состојки

  • 1 мала главица карфиол
  • 1/2 главица брокула
  • 1/2 лажичка сол
  • 200 гр царска сланина
  • 4 јајца
  • 200 мл кисела павлака
  • 150 гр сирење
  • оригано за посип
  • 2-3 лажици маслиново масло или путер

Подготовка

Едвај чекаме да дојде сезоната на карфиол за да го комбинираме во разни јадења. Ова е еден предлог за едноставен рецепт кој се надевам ќе ви се допадне.

Подготовка
1. Карфиолот и брокулата ги цепкаме на помали цветови.
2. Ги ставаме во зовриена солена вода да се обарат и омекнат.
3. Ги вадиме на решетка да се исцедат па ги ставаме во намрсено тавче.
4. Сланината ја сечкаме на коцки и ја пропржуваме. Ја ставаме врз зеленчукот.
5. Јајцата со павлаката ги соединуваме, а го додаваме и сечканото или дробеното сирење кон нив. Со оваа смеса го залеваме зеленчукот, па наросуваме оригано.
6. Печеме во загреана рерна на 200 степени.

Забелешка
Во хроно исхраната се конзумира во периодот на вонрестрикција.