Испечати

Намаз од варен наут и печени пиперки (посно, веган)

Намаз од варен наут и печени пиперки (посно, веган)

Состојки

  • 300-400гр наут
  • 10ина печени пиперки
  • 100мл масло
  • сок од еден лимон или оцет 2-3 лажици
  • сол и бибер по вкус
  • 2-3 чешниња лук

Подготовка

Здраво, лесно за подготовка, посно, веган.. кога ќе видиш, модерно со стари состојки.
Ова е рецепт кој што се прави по вкус или што би се рекло од око. Мерките се од прилика тие што ги користев, но може да си адаптирате по ваш вкус.

Наутот потопете го во вода да одстои и набабри, потоа сварете го.
Исцедете ја водата, но може и малку тргнете на страна во случај да сакате да го разредите намазот. Јас тоа не го направив.
Пиперките испечете ги, оставете ги во кеса 10ина минути и излупете ги.

Сите состојки ставете ги во блендер и блендирајте додека не добиете намаз со структура по ваша желба.

Може да стои во фрижидер и до една недела без проблем.