Брза панакота со прелив од сок од вишни (стар рецепт)
Состојки
- 500мл слатка павлака
- 70-100гр шеќер
- 1 стапче ванила или ванилин шеќер
- 1 ќесе желатин
- 3 лажици ладна вода или 45 мл
- 2лажици афион
- 100мл сок од вишни за растворање
- 4-6 кандирани вишни
Подготовка
Подготовка:
1. Во сад ја налеваме слатката павлака. Го додаваме стапчето ванила (расечено). Или може да се стави ванила шеќер. Го додаваме и кристал шеќерот. Оставаме така да одстои 30 минути.
2. Сега го ставаме желатинот во сад со ладна вода, за да набабри.
3. Потоа ја вадиме мешунката ванила и ја загреваме слатката павлака до вриење. Тргаме на страна. Го додаваме набабрениот желатин. Промешуваме, за да се растопи желатинот во топлата смеса. Го додаваме и немелениот афион.Повторно промешуваме.
4. Можете да користите мали модли или модли по желба (куглоф, правоаголна тава...). Тенко ја премачкуваме модлата со масло. Ја истураме подготвената смеса. Оставаме во фрижидер од 2-3 часа.
Потоа ја превртуваме панакотата од модлата, ја декорираме со сируп од вишни и кандирани вишни, па послужуваме.
* Овој рецепт е дел од изгубените рецепти.