Бомбици со марципан и кандирани цреши
Состојки
- 200гр марципан
- 15-16 кандирани цреши
- 150гр црно чоколадо
- 3лажици масло
- ливчиња бадем по потреба
Подготовка
Подготовка:
1. Марципанот го делиме на 14-15 топчиња. Секое топче го истанчуваме на дланката. Во средината ставаме по една кандирана цреша и формираме бомбици. Ги редиме на чинија.
2. Сега над пареа ги растопуваме маслото и чоколадото. Секоја бомбица ја потопуваме во чоколадото и ја обложуваме со ливчиња бланширан бадем.
3. Редиме на хартија да се просушат, па ги сервираме во хартиени корпи.
Уживајте во прекрасниот вкус.