Испечати

Пишии (мекици) од лудо тесто

Пишии (мекици) од лудо тесто

Состојки

  • 1 кг Брашно
  • 400 мл Јогурт
  • по потреба Млеко
  • 2 Јајца
  • 1 г.л. Шеќер
  • 2 г.л. Сол
  • 1 Пециво
  • 1 коцка Свеж квасец
  • по потреба - масло за пржење

Подготовка

Превкусниии....идеални за брз појадок, бидејќи тестото се замесува одвечер, па така утрото за кратко време ќе имате супер вкусен појадок, за мерак. Лудото тесто често го користев и досега (ама со малку поинаков рецепт - каде не се ставаат јајца и млеко). Овојпат решив да ја пробам и оваа комбинација и воопшто не погрешив - впрочем и на двата начини е одлично.

Подготовка -
1. Во длабок сад го ставаме квасецот, па го додаваме јогуртот, мешаме да се растопи квасецот. Ги додаваме останатите состојки - јајцата, шеќер, сол, брашното (претходно помешано со пецивото и просеано) и на крај додаваме по потреба млеко. Замесуваме меко тесто кое многу малку лепи.
2. Го ставаме тестото во намрсен сад или намрсено ќесе, го врзуваме убаво и го оставаме во фрижидер.
3. Овојпат јас го поделив тестото на топчиња (околу 15 од кило брашно) кои ги растегнуваме со намрсени раце и ги пржиме на средна температура. Прскаме со лажица од врелото масло, па превртуваме да се допржат од другата страна. Или можете директно од тестото да кинете дел и да го оформите како пишија - по желба.
4. Испржените пишии ги вадиме врз салфета.

Забелешка - Доколку имате отворено кисело млеко или павлака, слободно можете да ставите и од нив ( во една прилика така направив за да ги дотрошам ), па да го дозамесите тестото со додавање јогурт и малку млеко. Доколку ви е многу оваа доза, замесете тесто со преполовени состојки ( со пола кило брашно ) како што и јас правам најчесто за нас.

На здравје!